«Арсенал» футболчиси Мартин Эдегор «Челси» устидан қозонилган ғалаба ҳақида фикр билдирди. АПЛнинг 7-туридан ўрин олган учрашув 2:1 ҳисобида якунланди.
«Бу кучли рақибга қарши жуда муҳим ўйин эди. Бизга ҳақиқатан ҳам осон бўлмади, аммо якунда ўз мақсадимизга эришдик.
Бизнинг кайфиятимиз — курашни давом эттириш. Ўйиннинг бошидаёқ гол ўтказиб юбориш, албатта, энг яхши сценарий эмасди, аммо биз бунга жуда яхши жавоб қайтардик.
Иккинчи бўлимда яхшироқ ўйнадик ва ҳаракатларимиз учун муносиб натижа олдик. Бугун ўз даражамизни кўрсатдик. Натижа ҳам буни тасдиқлади», — дея Эдегорнинг сўзларини Sky Sports келтирди.
