Германия чемпионатининг икки туридан сўнг Мюнхеннинг «Бавария» клуби фақат олтинчи ўринда бормоқда, турнир жадвалида эса «Аугсбург» пешқадамлик қилмоқда. Куни кеча Мюнхен клуби Бундеслигага қайтган «Шальке»ни мағлуб эта олмади ва мавсумда илк бор очко йўқотди.
Бунинг оқибатида «Бавария»нинг Германия чемпионати турнир жадвалида кетма-кет 67 тур давомида яккаҳокимлик қилган серияси барҳам топди. «Бавария» 2024/2025 йилги мавсумнинг учинчи туридан сўнг турнир жадвалини бошқариб келаётган эди ва шу вақтгача пешқадамликни қўлдан бой бермаганди. Энди эса улар пешқадамликни бўшатиб беришларига тўғри келди.
Кейинги турда мюнхенликлар лиганинг ёрқин дебютанти — «Эльверсберг»га қарши майдонга тушишади.
