«Тоттенхэм» вингери Михаил Мудрик Лондон клуби сафидаги илк расмий учрашувидан кейин ҳис-туйғуларини баҳам кўрди.
25 ёшли украиналик футболчи АПЛнинг 3-турида «Ноттингем Форест»га қарши ўйинда майдонга тушди. Мудрик 74-дақиқада Матис Тель ўрнига захирадан ўйинга қўшилди. Учрашув 0:0 ҳисобида якунланди.
«Майдонга қайтишдан яхшироқ ҳис йўқ. Янги ранглардаги илк дақиқалар. Қўллаб-қувватлаганингиз учун раҳмат. Ҳали олдинда кўп нарса бор», — деб ёзди Мудрик ижтимоий тармоқдаги саҳифасида.
Мудрик бунга қадар 2024 йил ноябридан буён расмий учрашувларда иштирок этмаган эди. Дисквалификациядан олдинги сўнгги ўйини Конференциялар лигасида «Челси» ва «Хайденхайм» ўртасидаги баҳс бўлиб, унда украиналик футболчи Лондон клубининг голларидан бирига муаллифлик қилган.
Мудрик ёзда «Челси»дан «Тоттенхэм»га ижара асосида ўтди. Келишувда футболчини 75 миллион фунт эвазига тўлиқ сотиб олиш имконияти ҳам кўзда тутилган.
