«Бетис»дан учралган мағлубиятдан сўнг «Реал» бош мураббийи Жозе Моуринью ўз футболчиларини «содда» деб атаган эди. Португалиялик мутахассис шогирдлари рақибдан фарқли равишда ҳакамдан муайян қарорларни талаб қилишга уринмаганини таъкидлаган.
Чемпионлар лигасидаги иштирок бошланиши олдидан Моуринью ўша сўзларига яна бир бор изоҳ берди.
«Бу масалада маданий жиҳат ҳам бор. Балки мен ишлатган «содда» сўзи салбий маънода қабул қилингандир, аммо мен буни танқид сифатида айтмаганман. Шунчаки воқеликни қандай бўлса, шундай тасвирлаганман.
Эртага эса мен нима демоқчи бўлганимни жуда яхши тушунасиз. Буни англаш сиз учун жуда осон бўлади», — дея Моуриньюнинг сўзларини Goal келтирди.
«Реал» сешанба куни Чемпионлар лигаси доирасида ўз майдонида «Интер»ни қабул қилади.
