"Бавария" ҳужумчиси Гарри Кейн ёши ва профессионал фаолиятини узоқ йиллар давом эттириш истаги ҳақида фикр билдирди. Англиялик футболчи ёзда 33 ёшни қаршилади.
"Аввал ҳам айтганман, Месси ва Роналду 30 ёшдан кейин, ҳатто 30 ёшнинг ўрталарида ҳам янада кучайган. Менимча, ҳозир ўзим ҳам фаолиятимнинг энг юқори нуқтасида турибман. Жисмонан ҳам, руҳан ҳам ўзимни жуда яхши ҳис қиляпман.
Ўзимдан доим бу ҳолатни қандай қилиб иложи борича узоқ сақлаб қолиш мумкин, деб сўрайман. Албатта, бу абадий давом этмаслигини биламиз. Аммо Месси, Роналду ва Модрич каби футболчиларнинг 30 ёшнинг охиригача, ҳатто 40 ёшдан кейин ҳам ўйнаётганини кўрсам, менда ҳам шунга эришиш учун мотивация пайдо бўлади", — деди Кейн TNT Sports нашрига.
Кейннинг "Бавария" билан амалдаги шартномаси 2026/27 йилги мавсум якунига қадар мўлжалланган.
