«Ан-Наср» вингери Садио Мане ва «Ал-Кодисия» ҳужумчиси Хулиан Киньонес «Олтин тўп» учун номзодлар рўйхатидан жой олади. Журналист Sam C маълумотига кўра, сенегаллик ва мексикалик футболчилар соврин учун курашадиган 30 нафар номзод қаторида бўлади. Расмий рўйхат 8 сентябрь куни эълон қилиниши, тақдирлаш маросими эса 26 октябрь куни ўтказилиши режалаштирилган.
Киньонес ўтган Жаҳон чемпионатида бешта ўйинда тўртта гол урган. Ундан аввал Саудия чемпионатининг ўтган мавсумида 31 та учрашувда 33 та гол қайд этган.
Мане эса 2026 йил бошида Сенегал терма жамоаси билан Африка Кубогида ғолиб чиққан. Бироқ кейинчалик Сенегалга Марокашга қарши финал учрашувида техник мағлубият ёзилди.
