Британиялик журналист Пирс Морган "Арсенал" Винисиус Жуниорни трансфер қилишга жуда яқин келгани ҳақида маълум қилди.
"Менга "Арсенал" январда янги ҳужумчи учун трансфер бозорига қайтишга тайёрланаётгани айтилди. Улар қишки трансфер ойнасида яна бозорга чиқади ва кимнидир сотиб олади.
Шунингдек, менга "Арсенал" Винисиус Жуниорни аллақачон қўлга киритган, деб ўйлагани айтилди. У биз учун ажойиб трансфер бўларди. Аниқ биладиганим шуки, "Арсенал"дагилар Винисиус уларники бўлади, деб ишонган. Бу ишонч у "Реал" билан янги шартнома имзолаган кунгача давом этган", — деди Морган Sports Uncensored кўрсатувида.
Шу тариқа, лондонликлар январь ойида ҳужум чизиғини кучайтириш учун яна трансфер бозорига қайтиши кутилмоқда.
