«Манчестер Сити»нинг ўнг қанот ҳимоячиси Матеус Нунес Энцо Фернандеснинг жамоага қўшилгани футболчиларни хурсанд қилганини айтди.

Манчестерликлар ёзги трансфер ойнасининг сўнгги куни аргентиналик ярим ҳимоячини «Челси»дан 145 миллион еврога сотиб олди.

«Трансфер амалга ошадими ёки йўқми, билмасдик. Энг яхши футболчилар жамоамизда ўйнашини истаймиз. Энцо ҳам улардан бири, шунинг учун унинг келиши ҳақидаги хабар бизни хурсанд қилди. Бу аввал жамоамизда юқори савияли футболчилар бўлмаганини англатмайди. Аммо Энцо жамоани кучайтириши шубҳасиз», — дея Нунешнинг сўзларини келтиради «Сити Экстра».

Энцо Фернандес «Манчестер Сити» билан 2032 йилгача мўлжалланган шартнома имзолаган. У янги жамоасидаги илк учрашувини яқинда Англия Премьер-лигасида «Ковентри»га қарши ўтказди.