«Ливерпуль» ярим ҳимоячиси Доминик Собослаи клуб афсонаси Стивен Жеррарднинг саволига ҳазиломуз жавоб берди.
— Сенингча, иккимиз бир жамоада ўйнай олармидик? — деб сўради Жеррард.
— Менимча, ҳа. Бундай ҳолатда мен «ўнлик» позициясида, сен эса ўнг қанот ҳимоясида ўйнардинг, — дея ҳазил қилди Собослаи TNT Sports билан суҳбатда.
Собослаининг асосий позицияси марказий ярим ҳимоя бўлса-да, жорий мавсумга қадар у бир неча бор қанот ҳимоячиси вазифасида ҳам ўйнашига тўғри келган.
Венгриялик футболчи бу мавсум Англия Премьер-лигасида учта учрашувда иштирок этиб, битта гол урди.
