Дортмунднинг «Боруссия» клуби қанот ҳимоячиси Даниэль Свенссон фаолиятини Англия Премьер-лигасида давом эттириши мумкин.
Fussballdaten хабарига кўра, 24 ёшли швециялик футболчига «Арсенал» ва «Манчестер Юнайтед» қизиқиш билдирмоқда. Шунингдек, А Сериянинг «Милан» ва «Ювентус» клублари ҳам ҳимоячини кузатиб бормоқда.
Бироқ «Боруссия» Свенссон учун 35–40 миллион евродан кам бўлган таклифларни кўриб чиқмоқчи эмас.
Ҳимоячи жорий мавсумда барча мусобақалар доирасида тўртта учрашув ўтказиб, битта гол урди ва битта голли узатмани амалга оширди.
Свенссоннинг Дортмунд клуби билан амалдаги шартномаси 2029 йилгача мўлжалланган.
