Франция миллий жамоаси ва «ПСЖ» ҳужумкор ярим ҳимоячиси Усмон Дембеле 2026 йилги «Олтин тўп»ни ким қўлга киритиши ҳақида фикр билдирди.
«Бу масалада қандайдир ноаниқлик бўлади деб ўйламайман. «Олтин тўп»ни «ПСЖ» футболчиси қўлга киритади», — дея Дембеленинг сўзларини келтиради L’Équipe.
Эслатиб ўтамиз, нуфузли совриннинг амалдаги соҳиби ҳам Усмон Дембеле ҳисобланади.
«ПСЖ» ўтган мавсум кетма-кет иккинчи бор УЕФА Чемпионлар лигасида ғолиб чиқди. Луис Энрике шогирдлари финалда Лондоннинг «Арсенал» клубини пенальтилар сериясида мағлуб этди.
Парижликлар шунингдек, Франция Лига 1 чемпионлигини ҳам қўлга киритди.
