«Реал» Жозе Моуриньо бош мураббийлик лавозимига қайтганидан сўнг ўтказган ўйинларининг 80 фоизида ғалаба қозонди.
Мадридликлар бугун Чемпионлар лигаси умумий босқичи 1-турида «Интер»ни 2:1 ҳисобида мағлуб этди.
Бунга қадар «Реал» Моуринью қўл остида «Малага»ни 4:0, «Реал Сосьедад»ни 4:1 ва «Эспаньол»ни 2:1 ҳисобида енгган эди.
Португалиялик мутахассис қайтганидан кейинги ягона мағлубият «Бетис»га қарши ўйинда қайд этилган — 0:1.
Шу тариқа, «Реал» Моуринью бошчилигида ўтказган 5 та учрашувнинг 4 тасида ғалаба қозонди.
12 сентябрь куни мадридликлар Ла Лига доирасида «Райо Вальекано»га қарши майдонга тушади.
