Эрлинг Холанд Чемпионлар лигасида деярли ҳар бир ўйинга ўртача биттадан гол урмоқда.

Бугун «Манчестер Сити» ҳужумчиси Чемпионлар лигаси умумий босқичи 1-турида «Порту»га қарши ўйинда икки бор рақиб дарвозасини ишғол қилди. Англия клуби учрашувда 2:0 ҳисобида ғалаба қозонди.

Норвегиялик футболчи «Манчестер Сити» сафида Чемпионлар лигасида 40 та ўйин ўтказиб, 36 та гол урган.

Умуман олганда, Холанднинг Чемпионлар лигасидаги натижаси 59 та ўйинда 59 та голни ташкил этмоқда.