Мадриднинг «Реал» клуби вингери Родриго хоч бойламлари узилиши сабаб жароҳатидан кейин тикланишда давом этмоқда. 25 ёшли футболчи оғир жароҳатни баҳор бошида олган.

«Родриго февралга қадар қайтиб келади. У мавсумнинг ҳал қилувчи қисмида жамоага ёрдам бера олади ва ҳар доимгидек муҳим футболчи бўлади», — деди футболчининг отаси.

Родриго «Реал» сафида барча турнирларда жами 297 та ўйин ўтказиб, 71 та гол ва 57 та голли узатма қайд этган. Бразилиялик футболчининг «қироллик клуби» билан амалдаги шартномаси 2028 йил ўрталарига қадар амал қилади.

Сешанба куни «Реал» ўз майдонида Чемпионлар лигаси умумий босқичининг биринчи турида Миланнинг «Интер» клубини 2:1 ҳисобида мағлуб этди.