Ҳужумчи Андреа Белотти Италия чемпионатида 350 дан ортиқ ўйин ўтказган. Бироқ «Рома»нинг собиқ футболчиси ўз мамлакати олий дивизионида жамоа топа олмади. Ёзда Белотти тиббий кўрикдан ўта олмагани сабаб «Кальяри»да қолмагани ҳақида хабарлар тарқалган эди.
Энди 32 ёшли Белотти «Модена» футболчисига айланди. Серия Б клуби ўзининг расмий сайтида Андреа билан 2027 йил ўрталарига қадар, бир мавсумлик шартнома имзоланганини маълум қилди. Белотти «Модена»да 11-рақамда ўйнайди.
Ҳозирда «Модена» Италиянинг иккинчи даражали футбол дивизиони турнир жадвалида бешинчи ўринни бўлишиб турибди. Чемпионатнинг ўтган уч турида жамоа олти очко тўплади.
Андреа Белотти 2021 йилда Италия терма жамоаси таркибида Европа чемпиони бўлган.
