Бугун Ўзбекистон Суперлигасининг 21-туридан ўрин олган ОКМК — "Пахтакор" учрашуви бўлиб ўтади. Баҳс Олмалиқдаги ОКМК спорт мажмуасида ўтказилади ва 18:30 да старт олади. Учрашув Sport TV орқали жонли намойиш этилади.
Жамоалар Суперлига доирасида шу кунга қадар 37 марта ўзаро тўқнаш келган. Ушбу баҳсларнинг 24 тасида "Пахтакор", 8 тасида ОКМК ғалаба қозонган, яна 5 та учрашувда дуранг қайд этилган.
Тўплар нисбати ҳам тошкентликлар фойдасига — 64:30.
ОКМКнинг "Пахтакор" устидан энг йирик ғалабаси 4:2 ҳисобида қайд этилган. "Пахтакор" эса рақибини энг катта фарқ билан 6:0 ҳисобида мағлуб этган.
Бугунги баҳс жамоалар ўртасидаги Суперлига тарихидаги 38-учрашув бўлади.
