Бугун Ўзбекистон Суперлигасининг 21-туридан ўрин олган "Нефтчи" — "Сурхон" учрашуви бўлиб ўтади. Баҳс Фарғонадаги "Истиқлол" стадионида ўтказилади ва соат 19:00 да бошланади. Учрашув Futbol TV орқали жонли намойиш этилади.
Жамоалар шу кунга қадар Суперлига доирасида 33 марта ўзаро тўқнаш келган. Уларнинг 22 тасида "Нефтчи" ғалаба қозонган, "Сурхон" эса атиги бир марта зафар қучган. Яна 10 та учрашув дуранг билан якунланган.
Тўплар нисбати ҳам фарғоналиклар фойдасига — 77:24.
"Нефтчи"нинг "Сурхон" устидан энг йирик ғалабаси 5:0 ҳисобида қайд этилган. Термизликларнинг рақиб устидан энг йирик ғалабаси эса 2:1 бўлган.
Бугунги учрашув жамоаларнинг Суперлига тарихидаги 34-ўзаро баҳси бўлади.
