«Пари Сен-Жермен» дарвозабони Матвей Сафонов жамоага янги қўшилган Люка Шевалье билан асосий таркибдаги ўрин учун рақобат ҳақида фикр билдирди.
Россиялик дарвозабоннинг таъкидлашича, сўнгги икки йил давомида у психологик, жисмоний ва тактик жиҳатдан анча ўзгарган. Сафонов Париждаги биринчи мавсумини мослашув даври сифатида ўтказишини аввалдан тушунган, бироқ иккинчи мавсумда асосий таркибдан жой олиш учун жиддий кураша олишига ишонган.
«Шевалье жамоага келганидаёқ, биринчи машғулотдан бошлаб асосий дарвозабон бўлишга муносиб эканимни исботлашга ҳаракат қилдим», — деди Сафонов Le Parisien нашрига берган интервьюсида.
