«Манчестер Юнайтед» бош мураббийи Майкл Каррик клуб учун Чемпионлар лигасига қайтиш қанчалик муҳим экани ҳақида фикр билдирди.
«Бу жуда катта аҳамиятга эга. Бу — ўзингни элита жамоалари, энг кучли рақибларга қарши синаб кўриш имконияти.
Аввал ҳам айтганман, бу клуб узоқ йиллар давомида энг яхшилар билан рақобатлашишга ва ўзи ҳам энг яхшилардан бири бўлишга ўрганган. Аммо буни оддий ҳолатдек қабул қилиб бўлмайди.
У ерга чиқиш қанчалик қийин эканини ва шу даражада қолиш учун қанча меҳнат кераклигини тушуниш лозим. Бир неча йил Чемпионлар лигасидан ташқарида қолдик, энди эса қайтдик. Шунинг учун бу биз учун жуда муҳим.
Биз ҳар йили Чемпионлар лигасида ўйнашни хоҳлаймиз», — деди Каррик матбуот анжуманида.
«Манчестер Юнайтед» Чемпионлар лигасидаги иштирокини 10 сентябрь куни Озарбайжоннинг «Сабаҳ» клубига қарши уй учрашуви билан бошлайди.
