«Спортинг» бош мураббийи Руй Боржес Чемпионлар лигаси умумий босқичида «Галатасарой» устидан қозонилган ғалабадан сўнг фикр билдирди.
«Мусобақани ғалаба билан бошлаш жуда муҳим эди. Айниқса, жамоамиз ёш экани ва айрим футболчилар Чемпионлар лигасида илк бор ўйнаётганини ҳисобга олсак.
Мухлислар қўллаб-қувватловини ҳис қилиш ҳам муҳим. Бу «Галатасарой»га қарши ғалабада ҳал қилувчи омиллардан бири бўлди. Улар биринчи бўлимда жуда юқори интенсивликда ўйнади. Рақиб юқори прессинг қилиши ва тўп назоратини ўз қўлига олишга интилишини билардик.
Дастлабки 25 дақиқада ўйинимизни йўлга қўйиш қийин бўлди, аммо кейин вазиятни ўзгартиришга эришдик. Иккинчи бўлимда яхшироқ, фаолроқ ва яккама-якка курашларда кучлироқ ҳаракат қилдик.
Якунда голлар урдик ва «Галатасарой»га дарвозамиз олдида хавфли вазиятлар яратиш имконини бермадик. Жамоавий ўйиндан мамнунман», — деди Боржес Sport TV’га.
