«Реал»нинг собиқ ҳимоячиси Давид Алаба Мексиканинг «Америка» клуби қизиқишлари доирасига тушди.
Журналист Маттео Моретто маълумотига кўра, «Америка» 34 ёшли австриялик футболчини ўз сафига қўшиб олиш имкониятини кўриб чиқмоқда.
Айни пайтда томонлар ўртасида ҳеч қандай келишув ёки расмий музокаралар йўқ.
Алаба «Реал» сафида 2021 йил ёзидан буён ҳаракат қилди. У ўтган мавсум барча мусобақалар доирасида 16 та ўйинда майдонга тушди ва натижадор ҳаракат қайд этмади.
Австриялик ҳимоячи ўтган мавсум якунланганидан сўнг «Реал»ни эркин агент сифатида тарк этди.
