«Твенте» марказий ҳимоячиси Руд Нейстад ёзги трансферлар ойнасида «Барселона»га ўтиши мумкин эди.
Voetbal International маълумотига кўра, каталонияликлар трансфер ойнаси ёпилиши арафасида 18 ёшли нидерландиялик футболчини сотиб олишга ҳаракат қилган.
Нейстаднинг ўзи «Барселона»га қўшилишни истаган, аммо «Твенте» унинг кетишига рухсат бермаган.
Жорий мавсумда ҳимоячи барча мусобақалар доирасида 9 та ўйинда майдонга тушиб, 1 та гол урди.
Нейстаднинг «Твенте» билан амалдаги шартномаси 2029 йилга қадар мўлжалланган. Transfermarkt унинг трансфер қийматини 10 млн еврога баҳоламоқда.
