"Тоттенхэм"нинг собиқ бош мураббийи, айни пайтда АҚШ терма жамоасида ишлаётган Маурисио Почеттино Англия Премьер-лигасидаги ҳозирги вазият ҳақида фикр билдирди.

Аргентиналик мутахассис "Арсенал"нинг кучини эътироф этиб, жамоа бош мураббийи Микель Артетанинг ишини алоҳида таъкидлади.

""Арсенал" — АПЛдаги энг барқарор жамоа. Артетани эса айни пайтда чемпионатнинг энг яхши мураббийи деб ҳисоблайман. Бу мавсум улар билан рақобатлашиш жуда қийин бўлади", — дея Почеттинонинг сўзларини Arsenal News Channel келтирди.

Ўтган мавсумда "Арсенал" 22 йиллик танаффусдан сўнг илк бор Англия чемпиони бўлди. "Канонирлар" турнир жадвалида "Манчестер Сити"дан 7 очко кўп тўплади.