Дортмунднинг «Боруссия» клуби ҳужумчиси Самуэле Инасио фаолиятини Италияда давом эттириши мумкин. Бу ҳақда инсайдер Николо Скира хабар берди.
Манбага кўра, 18 ёшли форвардга «Интер» ва «Ювентус» қизиқиш билдирмоқда. Ҳар икки клуб ҳам футболчини ёзги трансфер ойнасида кузатган ва ҳозир ҳам уни ўз қизиқишлари доирасида сақлаб турибди.
Жорий мавсумда Инасио барча мусобақалар ҳисобида учта ўйинда майдонга тушиб, иккита гол урди.
Ҳужумчининг «Боруссия» билан амалдаги шартномаси 2029 йил июнь ойигача мўлжалланган.
Transfermarkt портали футболчининг бозор қийматини 15 миллион еврога баҳоламоқда.
