Бугун, 11 сентябрь куни Ўзбекистон Суперлигасида 21-турнинг сўнгги учрашувлари бўлиб ўтади. Кун тақвимидан иккита баҳс ўрин олган.

Соат 19:00 да «Локомотив» ўз майдонида «Машъал»ни қабул қилади. Айни пайтда тошкентликлар 20 та учрашувдан кейин 32 очко билан 6-ўринда бормоқда. «Машъал» эса 4 очко билан турнир жадвалининг сўнгги — 16-поғонасини эгаллаб турибди.

Худди шу вақтда «Бухоро» ва «Навбаҳор» ўртасидаги баҳс ҳам старт олади. Бухороликлар 20 ўйиндан кейин 34 очко жамғариб, 4-ўринда жойлашган. 38 очкога эга «Навбаҳор» эса 3-поғонада бормоқда.

21-турнинг аввалги учрашувларида «Пахтакор» ОКМКни 3:1, «Нефтчи» «Сурхон»ни 2:1, «Насаф» «Бунёдкор»ни 3:0, «Динамо» «Қизилқум»ни 1:0 ва «Андижон» «Қўқон-1912»ни 2:1 ҳисобида мағлуб этди. «Хоразм» — «Сўғдиёна» баҳсида эса ҳисоб очилмади — 0:0.

Айни пайтда чемпионат пешқадами «Нефтчи» 21 ўйиндан 48 очко жамғарган. Иккинчи ўриндаги «Пахтакор» ҳисобида 46 очко мавжуд. «Навбаҳор» эса бугунги учрашув олдидан 38 очко билан кучли учликни якунлаб турибди.