«Монако»нинг марказий ярим ҳимоячиси Ламин Камара «Ливерпуль» эътиборига тушди. Бу ҳақда журналист Экрем Конур хабар берди.

Манбага кўра, Англия гранди «Кристал Пэлас» ярим ҳимоячиси Адам Уортонни трансфер қилишга уриниш муваффақиятсиз якунланганидан сўнг Камара билан боғланган. Таъкидланишича, мерсисайдликлар арзонроқ вариантларни кўриб чиқишга қарор қилган.

Эслатиб ўтамиз, ёзги трансфер ойнасининг сўнгги куни Камара «Челси»га ўтишга яқин эди, аммо «Монако» трансферни блоклаган.

Жорий мавсумда 22 ёшли сенегаллик футболчи барча турнирларда 5 та учрашувда иштирок этиб, 1 та гол урди.

Ярим ҳимоячининг «Монако» билан амалдаги шартномаси 2029 йилгача амал қилади. Transfermarkt экспертлари футболчининг қийматини 40 миллион евро деб баҳоламоқда.