«Monako»ning markaziy yarim himoyachisi Lamin Kamara «Liverpul» e’tiboriga tushdi. Bu haqda jurnalist Ekrem Konur xabar berdi.
Manbaga ko‘ra, Angliya grandi «Kristal Pelas» yarim himoyachisi Adam Uortonni transfer qilishga urinish muvaffaqiyatsiz yakunlanganidan so‘ng Kamara bilan bog‘langan. Ta’kidlanishicha, mersisaydliklar arzonroq variantlarni ko‘rib chiqishga qaror qilgan.
Eslatib o‘tamiz, yozgi transfer oynasining so‘nggi kuni Kamara «Chelsi»ga o‘tishga yaqin edi, ammo «Monako» transferni bloklagan.
Joriy mavsumda 22 yoshli senegallik futbolchi barcha turnirlarda 5 ta uchrashuvda ishtirok etib, 1 ta gol urdi.
Yarim himoyachining «Monako» bilan amaldagi shartnomasi 2029 yilgacha amal qiladi. Transfermarkt ekspertlari futbolchining qiymatini 40 million yevro deb baholamoqda.
