«Манчестер Юнайтед» ҳужумчиси Беньямин Шешко Чемпионлар Лигаси доирасида «Сабаҳ» устидан қозонилган 4:0 ҳисобидаги ғалабадан сўнг журналистлар билан суҳбатлашди. Словениялик футболчи учрашувнинг 45-дақиқасида гол уриб, ҳисобни 3:0 кўринишига келтирди. Шунингдек, Матеус Кунья, Бруну Фернандеш ва Лисандро Мартинес ҳам ўз номига гол ёздирди.
«Барча учун, айниқса мухлисларимиз учун идеал ўйин бўлди. Ғалаба қозониб, кўп гол урганимиз муҳим. Албатта, бундай ўйин дам олиш кунлари олдидан бизга ишонч бағишлайди. Энди тикланиб, дербига тайёргарликка эътибор қаратишимиз керак», — деди Шешко.
13 сентябрь, якшанба куни «қизил иблислар» Премьер-лига доирасида ўз майдонида «Манчестер Сити»ни қабул қилади.
