«Реал» бош мураббийи Жозе Моуриньо жамоа ҳужумчиси Винисиус Жуниорнинг ҳозирги формаси ҳақида фикр билдирди.

«Португалияда шундай мақол бор: тошлар фақат меваси бор дарахтларга отилади. Винисиус бу ерда нима қилди? Унинг Чемпионлар Лигасида нечта ғалабаси бор? Нечта гол урди? Нечта ўйин тақдирини ҳал қилди? Ўтган йили «Бенфика»га қарши қарама-қаршилик тақдирини ёлғиз ўзи ҳал қилган Винисиус яна қайтиб келади. Ҳозирча у ўша даражага чиққани йўқ.

У ҳар қачонгидан ҳам кўпроқ меҳнат қилмоқда. Бу мавсумда у ўз рекордларини, жумладан тўп олиб қўйиш бўйича кўрсаткичларини ҳам янгилади. У яна ўз даражасига қайтади», — деди Моуриньо.

Испания чемпионатининг тўрт туридан сўнг «Реал» 9 очко тўплаган ва турнир жадвалида учинчи ўринда бормоқда. Моуриньо шогирдлари Ла Лигадаги навбатдаги учрашувни 12 сентябрь куни ўз майдонида «Райо Вальекано»га қарши ўтказади.