«Арсенал» бош мураббийи Микель Артета жамоасининг бир қатор футболчилари «Олтин тўп» учун номзодлар рўйхатига киритилганига муносабат билдирди.

Мукофотга даъвогарлар орасида «канонирлар»нинг уч футболчиси — Габриэл, Деклан Райс ва Вильям Салиба бор.

«Бу клуб айни пайтда қандай даражада эканини ва қанчалик яхши натижалар кўрсатаётганини кўрсатади. Шунингдек, бу бизнинг ўйинимиздаги барқарорликдан ҳам далолат беради.

Индивидуал совринлар жамоа биргаликда ажойиб ишни амалга оширганидан кейин келади. Буни кўриш жуда ёқимли.

Энг яхши мураббий совринига номзодлигим? Бу менга боғлиқ эмас, аммо, албатта, номзодлар қаторида бўлиш мен учун катта шараф», — деди Артета матбуот анжуманида.

Ўтган мавсумда «Арсенал» 2004 йилдан бери илк бор Англия чемпиони бўлди.