«Ливерпуль» бош мураббийи Андони Ираола ҳужумчи Александр Исакнинг мавсум бошидаги ўйинига баҳо берди.

«Менимча, у ўзини яхши кўрсатяпти. Унинг ўйиндан ўйинга ўсиб бораётганидан мамнунман. Жисмонан у ажойиб ҳолатда, техник сифатлари ҳақида эса жуда яхши биламиз.

У тўққизинчи рақам позициясидаги футболчидан айнан нимани талаб қилишимизни тобора яхшироқ тушунаяпти», — дея Ираоланинг сўзларини BBC келтирди.

Жорий мавсумда Исак Англия Премьер-лигасида 3 та ўйинда майдонга тушиб, 3 та гол урди.

Шунингдек, у Чемпионлар лигасида «Атлетико»га қарши 2:1 ҳисобида якунланган учрашувда голли узатмани амалга оширди.

«Ливерпуль» АПЛдаги кейинги ўйинини 12 сентябрь куни «Фулхэм»га қарши ўтказади.