"Атлетико" бош мураббийи Диего Симеоне Ла Лиганинг 5-туридан ўрин олган "Реал Сосьедад"га қарши бўлажак учрашув ҳақида фикр билдирди. Баҳс 13 сентябрь куни Сан-Себастьяндаги "Реале Арена" стадионида бўлиб ўтади.
"Биз бошқалар нима қилаётганига эмас, ўзимиз нималар устида ишлаётганимизга эътибор қаратамиз. Бу ўйиннинг қанчалик муҳим эканини яхши тушунамиз. Рақибимиз кучли рақобат таклиф қила олади ва яхши жамоавий ўйин намойиш этади.
Биз учрашувда ташаббусни қўлга олишга ҳаракат қилишимиз керак. Бильбаодаги ўйиннинг биринчи бўлимида шундай қилган эдик. Аммо ўша баҳсда назоратни йўқотишимиз бизга салбий таъсир қилди.
Ливерпулда биринчи бўлимда ёмон ҳимояланмадик, рақиб ҳужумларини тўхтатиб турдик. Бироқ иккинчи бўлимда ҳисобни тенглаштира олмадик.
Ўз йўлимизни топиш учун 90 дақиқа давомида кўпроқ мувозанат ва барқарорлик намойиш этишимиз керак", — дея Симеоненинг сўзларини Marca келтирди.
