Руминия футбол федерацияси (FRF) болалар жамоалари ўйинларида ота-оналар ва томошабинларнинг тажовузкор хатти-ҳаракатларига қарши курашиш мақсадида "қора карточка" тизимини жорий қилди.
Янги тартиб уч босқичдан иборат.
Аввало, ҳакам ўйинни вақтинча тўхтатиб, мураббийлардан мухлисларга мурожаат қилишни сўрайди.
Агар вазият ўзгармаса, учрашув 10 дақиқага тўхтатилади ва жамоалар кийиниш хонасига йўл олади.
Ўйин қайта бошланганидан кейин ҳам ҳақоратлар ёки жисмоний тажовуз давом этса, ҳакам "қора карточка" кўрсатади ва финал ҳуштагини чалади. Бундай ҳолатда учрашув тўлиқ тўхтатилади ва уни давом эттиришга рухсат берилмайди.
Ушбу чора Руминиядаги барча 130 та футбол академиясига татбиқ этилади. Тизим ёш футболчилар, мураббийлар, ҳакамлар ва учрашувнинг бошқа иштирокчиларини ҳимоя қилишга қаратилган.
