Хорватиялик ярим ҳимоячи Марсело Брозович фаолиятини Қатар чемпионатида давом эттиради. Бу ҳақда инсайдер Николо Скира ижтимоий тармоқларда хабар берди.
Журналистнинг маълум қилишича, футболчининг «Ас-Садд»га ўтиши бўйича келишув якунланган. Брозович жамоа сафига эркин агент сифатида қўшилди. Марсело 2027 йилгача меҳнат шартномасини имзолади, келишувни яна бир мавсумга узайтириш имконияти ҳам мавжуд. Футболчининг маоши бонуслардан ташқари 6 миллион еврони ташкил этади.
33 ёшли ярим ҳимоячининг сўнгги клуби 2023 йилдан 2026 йилгача тўп тепган Саудия Арабистонининг «Ан-Наср» жамоаси бўлган. Европада Брозович Миланнинг «Интер» клубидаги ўйинлари билан танилган.
