Якшанбага ўтар кечаси MLS доирасида «Интер Майами» ва «Нэшвилл» жамоалари ўзаро тўқнаш келди. Учрашув 2:2 ҳисобидаги дуранг билан якунланди.

«Интер Майами»нинг голларидан бири Лионель Месси ҳисобига ёзилди. Шу тариқа, аргентиналик юлдузнинг клуб сафидаги голлари сони 99 тага етди. Энди Мессига «Интер Майами» учун юбилей — 100-голини уришга атиги битта тўп қолди.

Месси 99 та гол уриш учун 114 та учрашув ўтказган. У MLS жамоаси сафида 2023 йил ёзидан буён тўп тепмоқда.

Бунга қадар Лионель Месси Европада «Барселона» ва «ПСЖ» клубларида фаолият юритган.

Аргентиналик футболчи яқинда «Олтин тўп» мукофотига ҳам номзодлар қаторига киритилди. Месси ушбу совринни саккиз марта қўлга киритган ва бу борада рекорд соҳиби ҳисобланади.