Айни пайтда «Викинг» сафида ижара асосида тўп тепаётган норвегиялик ҳимоячи Йеспер Даланн Европанинг бир қатор клублари қизиқиш доирасига тушган. Бу ҳақда инсайдер Экрем Конур ижтимоий тармоқларда маълум қилди.
Манбага кўра, 26 ёшли футболчига «Айнтрахт», «Шальке» ва «Лилль» клублари қизиқиш билдирмоқда.
Даланннинг трансфер ҳуқуқлари «Кардифф Сити»га тегишли. Унинг «Викинг»даги ижара муддати 2027 йил январь ойи охирида якунланади.
Transfermarkt портали мутахассислари футболчининг бозор қийматини 1,5 миллион еврога баҳоламоқда.
Йеспер Даланн Норвегия чемпионатининг жорий мавсумида иккита учрашувда майдонга тушиб, битта сариқ карточка олган.
