«Арсенал» ҳимоячиси Габриэл Магальяэс ўтган мавсумда Чемпионлар лигаси финалида кирита олмаган пенальти ҳақида фикр билдирди.

Микель Артета жамоаси «ПСЖ»га қарши баҳсда пенальтилар сериясида мағлуб бўлди — 1:1, 3:4. «Канонирлар» таркибида Габриэл ва Эберечи Эзе ўз зарбаларини голга айлантира олмади.

«Менга фақат мухлисларга миннатдорчилик билдириш қолади. Финалдан кейин улардан жуда катта қўллаб-қувватлаш олдим. Бу ақлбовар қилмас даражада эди, улар жуда илиқ хабарлар юборишди.

Аммо, аввал айтганимдек, бу футболнинг бир қисми. Бундай ҳолат биринчи марта содир бўлаётгани йўқ. Ва яна айтаман: агар яна пенальти тепишимга тўғри келса, яна зарба берган бўлардим», — деди Габриэл ESPN Brasil нашрига берган интервьюсида.