«Реал» Мадрид Испания чемпионати Ла Лиганинг шанба куни бўлиб ўтган учрашувида «Райо Вальекано»ни 4:1 ҳисобида мағлуб этди.
Мадридликлар ҳимоячиси Альваро Каррерас жамоасининг иккинчи голига муаллифлик қилди. У рақиб жарима майдонида Килиан Мбаппе билан деворча усулида паслашиб, тўпни дарвозага йўллади. Учрашувдан сўнг Каррерас ижтимоий тармоқда Мбаппега мурожаат қилди.
«Бернабеуда қандай ажойиб кеча! Жамоа жуда яхши ва бирдамлик билан ўйнади, ҳар бир футболчи катта куч сарфлади. Совға учун раҳмат, дўстим Килиан Мбаппе», — деб ёзди Каррерас.
Шунингдек, айнан Каррерас Мбаппе голга айлантирган пенальтини ишлаб берган эди. Учрашувдаги биринчи гол ҳам шу пенальти орқали урилган.
«Реал» Мадрид Ла Лиганинг мавсумдаги бешта учрашувидан сўнг 12 очко жамғарди.
