«Валенсия» клуби расмий сайти орқали жамоа бош мураббийи Карлос Корберан билан шартнома бекор қилинганини маълум қилди. Шунингдек, испаниялик клуб бош директори Рон Гурлей билан ҳам ҳамкорликни тўхтатди.
Бунга жамоанинг мавсум бошидаги қониқарсиз натижалари сабаб бўлган. 43 ёшли Корберан 2024 йил декабридан буён «Валенсия»ни бошқариб келаётган эди. Унинг вазифасини вақтинча Оскар Санчес бажаради.
Ла Лигадаги бешта учрашувдан сўнг «Валенсия» бор-йўғи 1 очко жамғарган ва турнир жадвалининг сўнгги, 20-поғонасини эгаллаб турибди. Жамоа ушбу ўйинларда атиги 1 та гол урган ва 10 та гол ўтказиб юборган.
Чемпионатда «Барселона» 4 та учрашувдан кейин 12 очко билан пешқадам бўлиб турибди.
