Мюнхеннинг "Бавария" клуби Бундеслигада дастлабки икки ўйинида ғалаба қозонган "Эльверсберг"ни қийинчилик билан бўлса-да, мағлуб этди.
Ушбу учрашув Йозуа Киммих учун "Бавария" сафидаги 500-ўйин бўлди. Бу ҳисобга у мюнхенликлар таркибида барча мусобақаларда ўтказган учрашувлар киритилган.
Киммих мазкур 500 та ўйинда 47 та гол урди ва 122 та голли узатма берди.
"Бавария" сафида ўтказилган ўйинлар сони бўйича у клуб афсонаси Бастиан Швайнштайгерга тенглашди. Катта эҳтимол билан Киммих яқин орада бу кўрсаткич бўйича уни ортда қолдиради.
Бу ҳатто Бундеслиганинг кейинги турида ҳам содир бўлиши мумкин. "Бавария" навбатдаги учрашувда Берлиннинг "Унион" клубига қарши майдонга тушади.
