0 гол, 0 очко, 10 та ўтказиб юборилган тўп ва 4 та ўйинда 4 та мағлубият — "Ковентри"нинг жорий мавсумдаги натижаси шундай.
Клуб 25 йиллик танаффусдан сўнг Англия Премьер-лигасига қайтди. Ўтган мавсум Фрэнк Лэмпард бошчилигидаги жамоа Чемпионшипда ишончли тарзда чемпион бўлган эди.
Бироқ ўтган мавсум иккинчи дивизионда қанчалик устунлик қилган бўлса, "Ковентри" ҳозир АПЛда шунчалик қийин аҳволга тушиб қолди.
Маълум бўлишича, клубнинг 107 йиллик тарихида ҳали ҳеч бир бош мураббий мавсумни кетма-кет 4 та мағлубият билан бошламаган. Бу клуб қайси дивизионда иштирок этганидан қатъи назар, илк бор содир бўлди.
Кейинги турда "Ковентри" сафарда "Ноттингем Форест"га қарши майдонга тушади.
