"Ювентус" дарвозабони Гульельмо Викарио "Сассуоло"га қарши 2:3 ҳисобида якунланган учрашувдан кейин фикр билдирди.

Туринликлар ўйин охирида Эдон Жегрованинг 82 ва 90+1-дақиқаларда урган голлари эвазига икки бор ҳисобни тенглаштирди. Бироқ 90+4-дақиқада мезбонлар яна гол уриб, ғалабани қўлдан чиқармади.

"Биз жуда хафамиз. Ҳар қандай йўл билан ғалаба қозониш истагини тушунаман, чунки "Ювентус" доим ғалаба қозониши шарт.

Аммо биз мувозанатни йўқотиб қўйдик, ҳолбуки, ҳафта давомида айнан шу ҳақда гаплашган эдик.

Жуда катта афсус ва жаҳл бор, чунки ўйин биз учун яхши кечаётганди. Бундай вазиятларда янада эҳтиёткор бўлишимиз керак", — деди Викарио.

Бу мағлубият Лучано Спаллетти жамоаси учун жорий Серия А мавсумидаги илк мағлубият бўлди.