19 ёшли Хави Эспарт "Барселона" асосий жамоаси сафидаги илк голидан кейин ижтимоий тармоқда фикр билдирди.

Чап қанот ҳимоячиси Ла Лига доирасида "Леванте"га қарши ўйиннинг 5-дақиқасида рақиб дарвозасини ишғол қилди. Учрашув каталонияликларнинг 4:2 ҳисобидаги ғалабаси билан якунланди.

"Барселона" сафида гол уриш — ўзига хос ҳис. Яна бир орзум ушалди! Чемпионатни айнан ўзимиз хоҳлагандек бошладик. Энди шу руҳда давом этайлик!", — деб ёзди Эспарт ижтимоий тармоқда.

Истиқболли испаниялик футболчи жорий Ла Лига мавсумида "Барселона"нинг барча 5 та ўйинини асосий таркибда бошлади.

Умуман олганда, Эспарт Ханс-Дитер Флик жамоаси сафида 11 та учрашув ўтказган.