«Реал» бош мураббийи Жозе Моуриньо душанба куниги матбуот анжуманида ҳужумчи Винисиус Жуниорнинг ҳозирги ҳолати ҳақида фикр билдирди.

— Мавсум бошидан бери Винисиусдан мамнун эканингизни бир неча бор айтдингиз, аммо унинг энг яхши версиясини кўрмаётганингизни таъкидладингиз. Винисиуснинг энг яхши версиясини қачон кўрамиз?

— Энг яхши версия — у гол урган пайт. Албатта, голли узатмалар муҳим, жамоа учун ишлаш жуда муҳим. Фидойилик, жамоавий ҳаракат, бирдамлик... Ҳар кунлик меҳнат ҳам муҳим ва у буни жуда яхши бажаряпти. Аммо Винисиуснинг бошқа бир версияси ҳам бор. Ўтган мавсум Лиссабонда кўрганимиз — тенг кетаётган ўйинда битта имкониятга эга бўлиб, гол уради ва уйига қайтадиган Винисиус. Ҳозир унга шундай даражада ўйнаш етишмаяпти, аммо мен ундан мамнунман.

«Реал» Ла Лига жадвалида иккинчи ўринда бормоқда ва «Барселона»дан уч очко ортда қолган.