Дортмунднинг «Боруссия» клуби бош мураббийи Нико Ковач «Манчестер Юнайтед»дан кетганидан сўнг эркин агент мақомида бўлган вингер Жейдон Санчони жамоага олиш имкониятини истисно қилди. Мураббийнинг сўзларига кўра, клуб таркиби тўлиқ шаклланган ва ҳужум чизиғини кучайтиришга эҳтиёж йўқ.

«Биз трансферлар бўйича жуда яхши ишладик ва таркибимиз яхши шаклланган. Яннис Константелиас жароҳат олганидан сўнг чора кўришимизга тўғри келди, аммо Итан Нванерини трансфер қилиб, бу масалани жуда яхши ҳал қилдик. Таркибимиз аллақачон жуда катта — бизда 26 нафар майдон футболчиси бор, уларнинг кўпчилиги ёш. Шунинг учун бу билан шуғулланишимизга ҳожат йўқ», — деди Ковач.

Санчо 2017 йилдан 2021 йилгача «Боруссия» сафида ўйнаган. У жамоа таркибида 158 та ўйин ўтказиб, 53 та гол урган ва 67 та голли узатма амалга оширган. Кейинчалик 85 миллион евро эвазига «Манчестер Юнайтед»га ўтган.

2024 йилда у ижара асосида Дортмундга қайтган эди. Энди футболчининг клубга учинчи бор қайтиши истисно қилинди. Аввалроқ «Константелиас» жароҳатидан сўнг «Боруссия» Санчони қайтариш вариантини кўриб чиқаётгани хабар қилинган эди.