"Барселона" ярим ҳимоячиси Родри ўтган ёзда каталонияликлар сафига ўтишидан олдин бош мураббий Ханс-Дитер Флик ва спорт директори Деку билан бўлган мулоқоти ҳақида гапирди. 30 ёшли футболчига ўша пайтда Мадриднинг "Реал" клуби ҳам қизиқиш билдирган эди.

"Фликда мени энг кўп ўзига жалб қилган жиҳат унинг характери бўлди. У менга дастлаб айтган гапларидан бири ҳар куни ривожланиш, мукаммалликка интилиш истаги ҳақида эди.

Бу менинг фалсафамга жуда мос келади: ҳеч қачон эришилган натижа билан кифояланмаслик, ўзингни чўққига етдим деб ҳисобламаслик ва доимо ўзингдан кўпроқ нарса талаб қилиш. Эрта ёки кеч айнан шу ёндашув муваффақиятга олиб келади.

Менимча, "Барселона" ҳозир ривожланиш жараёнида ва ички мусобақалардаги муваффақиятлардан кейин Европанинг йирик совринларини қўлга киритиш имконини берадиган даражага чиқиш арафасида", — деди Родри.

— Деку сизни қандай кўндирди?

"Ҳеч бир пайт менга мутлақо босим ўтказишмади. Ҳамма мени жамоада кўришни исташини айтди, мен клубга нималар бера олишимни тушунтирди. Мулоқот услуби менга жуда ёқди — ҳеч қандай шошилиш ёки хавотир йўқ эди.

Улар шунчаки ўз лойиҳаларига қўшилсам, мени нималар кутаётганини тушунтиришди ва жамоага мен каби футболчи кераклигини билдиришди. Буни жуда табиий тарзда етказишгани менга ёқди.

Клубда жуда оилавий муҳит бордек таассурот пайдо бўлди ва бу мени жуда ўзига тортди", — дея Родрининг сўзларини келтиради Mundo Deportivo.