Аргентина футбол ассоциацияси (АФА) президенти Клаудио Тапиа 39 ёшли ҳужумчи Лионель Месси 6 октябрь куни миллий терма жамоа сафида хайрлашув учрашувини ўтказишини тасдиқлади.
Бу куни Аргентина терма жамоаси Буэнос-Айресдаги «Монументаль» стадионида Бенинга қарши ўртоқлик учрашувида майдонга тушади.
«Лионель Скалони билан суҳбатдан сўнг дунёнинг энг яхши футболчиси, миллий терма жамоамизнинг рамзи ва сардоримиз Лионель Мессини таклиф қилишга қарор қилдик. У 6 октябрь куни Аргентинада терма жамоа билан муносиб равишда хайрлаша олади», — дея Тапианинг сўзларини келтиради ESPN.
Тапиа, шунингдек, 2022 йилги жаҳон чемпионатида Аргентина терма жамоаси билан ғолиб чиққан бошқа футболчиларни ҳам Мессининг хайрлашув маросимига таклиф қилди.
Ўртоқлик учрашуви
6 октябрь 2026 йил, сешанба. Буэнос-Айрес, «Монументаль» стадиони.
Аргентина — Бенин
