"Арсенал" бош мураббийи Микель Артета Англия Лига кубоги 3-босқичида "Ипсвич" устидан 4:2 ҳисобида қозонилган ғалабадан сўнг жамоа ўйини ва 16 ёшли Макс Доуманнинг ҳаракатларини юқори баҳолади.

"Ўйинимизнинг кўп жиҳатларидан жуда мамнунман. Қандай ҳаракат қилганимиз ва яхши суръатни сақлаб қолганимиз менга ёқди. Айрим футболчилар ҳақиқатан ҳам ажойиб ўйин ўтказди. Умуман олганда, бу жуда яхши кеча бўлди.

Макс ажойиб эди. Унинг айрим ҳаракатлари ҳал қилувчи аҳамият касб этди ва жуда юқори савияда бажарилди. Биз унинг иқтидорини яхши биламиз ва у билан тўғри ишлашимиз керак.

Унинг атрофида жуда яхши муҳит яратилган. Шунинг учун босқичма-босқич олдинга ҳаракат қиламиз. У ҳали 16 ёшда, шу боис эҳтиёткор бўлишимиз керак.

Биз унинг ривожланишини чеклашни истамаймиз, лекин шу билан бирга унга тўғри йўналишда ўсиши учун ёрдам беришимиз шарт. Унга нима кераклигини яхши биламиз ва майдонга тушиши учун етарлича имконият бўлади", — дея Артетанинг сўзларини келтиради BBC.

"Арсенал"нинг Англия Лига кубоги 4-босқичидаги рақиби 16 сентябрь куни ўтказиладиган қуръа натижасида маълум бўлади.