"Ливерпуль" бош мураббийи Андони Ираола Англия Лига кубоги 3-босқичида "Тоттенхэм" устидан 3:1 ҳисобида қозонилган ғалабадан сўнг жамоасининг ўйинини баҳолади.

"Ўйиндан мамнунман. Учрашув давомида турли паллалар бўлди, аммо умуман олганда жамоанинг энергияси менга ёқди.

Биз голлар урдик ва кейинги босқичга чиққанимиздан хурсандман. Ҳисоб 2:0 бўлганидан кейин рақиб таваккал қилишга ва олдинга кўпроқ ўтишга мажбур бўлди.

"Ливерпуль" яхши ҳимояланди, аммо рақибга кўплаб стандарт вазиятлар ишлаб олиш имконини бердик. "Тоттенхэм" гол урганидан кейин бизга босим кучайди.

Яхшиямки, учинчи голни уриш имкониятини топдик ва учрашувни ғалаба билан якунладик.

Собослаи зарба беришга тайёрланаётганда, унда ҳар доим гол уриш имконияти бўлади. Сен унга ишонасан, чунки у буни аввал ҳам кўп марта қилган. У ҳужумларни жуда яхши якунлайди", — дея Ираоланинг сўзларини келтиради BBC.

"Ливерпуль"нинг Англия Лига кубоги 4-босқичидаги рақиби 16 сентябрь куни ўтказиладиган қуръа натижасида маълум бўлади.