«Фиорентина» Кубок баҳсида «Пиза»ни 3:0 ҳисобида мағлуб этиб, Паоло Ванолининг жамоа бош мураббийлигига қайтишини ишончли ғалаба билан нишонлади.
Мураббий учрашувдан кейин жамоада ишни нимадан бошлаганини тушунтирди.
«Қайтганимда очиқ айтдим: биз жамоа эмас эдик ва майдонда ҳам жамоадек ҳаракат қилмаётгандик. Аввало, кўп гол ўтказиб юбораётганимизга эътибор қаратдим. Ихчам ҳаракат қилиш, юқори прессинг ва ҳал қилувчи вазиятларда ўйинни тўғри ўқий билиш — ишни мана шулардан бошладим. Бугун дарвозамиз дахлсиз қолгани ижобий белги», — дея Ванолининг сўзларини fiorentinacalcio.it келтирди.
